PER MEDISINS
Per nus èsi fitg impurtant ch'ils geniturs possian retschaiver la diagnosa trisomia 21 en ina moda uschè empatica sco pussaivel. La tscherna dals pleds e la perspectiva da la persuna spezialisada dal sectur da sanadad influenzeschan enormamain la moda e maniera co ch'ils geniturs percepeschan la diagnosa e pon elavurar quella. Nus ans essan conscients ch'igl è ina gronda sfida da chattar ils dretgs pleds. Era per Vus sco persuna spezialisada è quai ina situaziun pesanta.
Per quest motiv ha l'associaziun hope21 creà ina broschura che sa drizza explicitamain a medias e medis ed ad autras persunas spezialisadas dal sectur da sanadad che accumpognan e sustegnan ils geniturs durant l'emprim temp suenter l'intermediaziun da la diagnosa. Ella cuntegna recumandaziuns, propostas ed exempels che duain gidar da chattar ils pleds adequats, da sustegnair ils geniturs, d'ademplir lur basegns individuals e d'accumpagnar els sin lur via.
Empustar gratuitamain ils documents
Empleni il formular sutvart e nus As tramettain uschè svelt sco pussaivel ils documents.