BAINVGNÜ SIN HOPE21
CORDIALA GRATULAZIUN PER VOSS UFFANT
Mintga uffant signifitga ina midada per tut la famiglia. L'imaginaziun da survegnir in uffant cun il sindrom da Down As po far tema il mument. Ma Voss figlia u Voss figl vegn a pudair viver ina buna vita. Quai savain nus per experientscha e nus As sustegnain sin Vossa via!
CO VINANVANT
Franc As fatschentan bleras dumondas:
- Tge spetga mai?
- Pudain nus insumma manar ina vita da famiglia normala?
- Avain nus fatg insatge fallà?
- Pertge gist jau?
- Poss jau lavurar vinavant?
- Co vegn noss uffant a sa sviluppar? Vegn el ad esser cuntent?
- Tgi po gidar nus? Cun tgi poss jau discurrer? Tgi sustegna nus?
NUS ESSAN QUA PER VUS
La diagnosa evochescha ina cascada da sentiments. Nus chapin quai. Cun nus èsi ì tuttina. Respirai profundamain. Expirai. N'as laschai betg metter sut squitsch e stai quiets in mument. Contactai nunliantamain ina da nossas HopeFamilies per in discurs. Nus tadlain Vus cun attenziun e prendain serius Voss quitads e Vossas temas. Nus enconuschain Vossa situaziun ed avain chapientscha.
VUS N'ESSAS BETG SULETS
I n'ha anc mai dà in meglier temp che ussa per viver cun il sindrom da Down. Las pussaivladads da sustegn èn oz meglras che mai.
Sco tut ils uffants è er in uffant cun in cromosom supplementar unic. El vegn a sviluppar fermezzas ed abilitads ed ad enritgir Vossa vita da famiglia. Quai savain nus per experientscha! hope21 è ina rait da famiglias che han in uffant cun il sindrom da Down. Nus As dain gugent in'invista en noss mintgadi.