NUSCHANTIERS
Associaziun
Nossa associaziun L'associaziun hope21 sustegna dunnas e pèrs che han survegnì la diagnosa trisomia 21 per lur uffant cun colliar els cun famiglias che han gia in uffant cun in cromosom supplementar. Quests inscunters duain gidar a reducir temas e pregiudizis. Nus purschain a famiglias pertutgadas in lieu, nua ch'ellas pon tschentar tut las dumondas e discurrer davart tut lur quitads. Via nossa plattafurma online pon ellas entrar en contact direct cun ina HopeFamiliy tenor giavisch. hope21 sustegna las duas famiglias d'emprender d'enconuscher ina l'autra e las accumpogna davos las culissas.
En pli sustegna l'associaziun hope21 era spezialistas e spezialists da la medischina en connex cun l'intermediaziun da la diagnosa trisomia 21. Ultra da la broschura cun recumandaziuns stat l'associaziun er a disposiziun per cussegliaziuns persunalas.
Inspirads da noss amis da hopestory USAavain nus fundà l'uniun hope21 l'onn 2020. L'uniun vul gidar geniturs d'uffants cun il sindrom da Down. La finamira centrala da hope21 è d'augmentar cun sias ideas ed acziuns la stima per umans cun sindrom da Down.
La suprastanza sa preschenta
Mona
Presidenta
Annada 1984. Abita en la Turgovia
Maridada cun Stefan (1983). Uffants Gion (2011) e Kellan (2013 cun sdD)
lavura a temp parzial sco referendaria per la contabilitad e sco collavuratura externa
«Tar hope21 part'ins ses cor, sia vita e sia istorgia cun auters umans. Sche gia mo ina persuna vegn encuraschada uschia da dir GEA a la vita, hai gia valì la paina.»
Jérôme
Vicepresident
Jahrgang 1984. Abita en la regiun d'Aarau. Marida cun Dorothea (1983). Daus fegls Jaël (2010) e Leah (2012). Lavura sco magister da classa en ina scola segundara.
«Jau m'engasch per hope21, perquai che mintga uman ha il dretg da viver – independentamain dal dumber da cromosoms.»
Caja
Commembra da la suprastanza
Annada 1972 abita a Basilea-Champagna maridada cun Dominique (1979) uffants Ella (2012) e Lina (2015 cun sdD) lavura a temp parzial sco COO
«Ina rait sco hope21 ha mancà a mai, cura che jau sun vegnida a savair durant mia gravidanza da la trisomia 21 da Lina. Perquai vi jau esser qua per dunnas en speranza e parter mias experientschas.»
Tom
Commembra da la suprastanza
Annada 1975, abita en il nord dal chantun da Turitg, maridà cun Sabine (1976), uffant Alisha (2012 cun sdD), lavura sco chanzlist communal.
«Jau less dar vinavant mias atgnas experientschas ed il plaschair, la confidenza e la speranza per la vita. Ed jau less gidar a sminuir las temas giustifitgadas ed eliminar las nungiustifitgadas.»
Tamara
Commembra da la suprastanza
Annada 1986, abita en la regiun da Burgdorf, viva en in partenadi cun Marc (1983), uffants Aliyah (2016 cun sdD) e Lionel (2020), lavura actualmain a chasa sco mamma e chasarina.
«Cun hope21 poss jau m'engaschar per quai che ma stat a cor: prender temas, regalar speranza, dir GEA a la vita e mussar quant bella, digna da vegnir vivida, interessanta, allegra e plain amur ch'è ina vita cun in uffant cun trisomia 21. Cun hope21 avain nus la pussaivladad d'accumpagnar e gidar persunas pertutgadas d'ina tala diagnosa, avant ch'ellas prendian ina decisiun cunter la vita. Mintga uffant cun trisomia 21 è in regal prezius.»
Manuela
Commembra da la suprastanza
Annada 1982, abita en la regiun da Visp, maridada cun Marcel (1980), uffants Noëlle (2018 cun sdD) e Malou (2022), lavura a temp parzial sco assistenta d'advocatura e da notariat.
«Jau m'engasch tar hope21, perquai che jau vi che las chaussas sa midian. La diagnosa trisomia 21 chaschuna a l'entschatta forsa temas. Las infurmaziuns facticas da las medias e dals medis èn necessarias, igl è però er impurtant da survegnir sustegn emoziunal. hope21 surpiglia questa incumbensa. Mes pli grond giavisch è da mussar a dunnas e famiglias quant prezius e bel ch'igl è da viver cun in uffant cun il sindrom da Down.»
Melanie
Commembra da la suprastanza
Annada 1983 abita en la regiun da Berna maridada cun Fabian (1983) uffants Florian (2018 cun sdD) ed Eleonore (2020) lavura a temp parzial sco cussegliadra da professiun e da carriera
«Jau sai per experientscha che l'invista en il mintgadi d'ina famiglia che ha in uffant cun il sindrom da Down po dar speranza e schliar fitg bleras temas nungiustifitgadas. hope21 avra a tut ils geniturs che spetgan in uffant cun il sindrom da Down las portas ad ina tala scuntrada preziusa.»
Sustegnair
Ans gidai ussa cun ina donaziun e sustegnai la lavur da hope21
Las donaziuns a l'uniun hope21 pon vegnir deducidas da la taglia chantunala e federala.
Links
Verein Ganzheitliche Beratung und kritische Information zur pränatalen Diagnostik.
Geschenk-Köfferchen für jede Familie, die ein wundervolles Baby mit einem kleinen Plus zur Welt gebracht hat.
Verein für Betroffene, Eltern und Angehörige von Menschen mit Trisomie 21 in der deutschsprachigen Schweiz.
Setzt sich für die Integration von Menschen mit Trisomie 21 im ersten Arbeitsmarkt ein.
Café in Naters. Schaffung und Förderung von Arbeitsplätzen für Kinder und Jugendliche mit Beeinträchtigungen.
CONTACT
Gerne können Sie uns auf folgender Telefon-Nummer erreichen: 079 720 21 21
Contactai nus cun il formulari da contact" übersetzt werden.